मकवानपुरमा अग्नी एयरको ट्वीनअटर विमान दुर्घटना

८ भाद्र,
मकवानपुरको शिखरपुर-२ मोतिपुरमा मंगलबार विहान अग्नी एयरको ट्वीनअटर विमान दुर्घटना भएको छ । घटनास्थलमा शवहरुको टुक्रा यत्रतत्र छरिएका छन् । विमान पूर्णरुपमा क्षतिग्रस्त भएको छ ।
दुर्घटनामा विमानमा सवार सबै यात्रुको मृत्यु भएको बताईए पनि यात्रुको संख्या थाहा हुन नसकेको एकीकृत नेकपा माओवादीका सभासद प्रल्हाद लामिछानेले जानकारी दिनुभयो । खराब मौसमका कारण लुक्ला अवतरण गर्न नसकेपछि काठमाडौं फर्कने बेला विहान साढे सात बजे विमान दुर्घटना भएको बताइएको छ । खराब मौसमको कारण विमान दुर्घटना भएको अनुमान छ ।घटनास्थलबाट नजिक फापरबारी र हात्तिसुढे प्रहरी चौकी पर्दछन् । प्रहरी घटनास्थलतर्फ लागेको र विस्तृत विवरण आउन नसकेको जिल्ला प्रहरी कार्यालय मकवानपुरले जनाएको छ । अग्नी एअरको डोनियर विमान मकवानपुरको शिखरापुर गाविसमा दुर्घटनाग्रस्त । काठमाडौंबाट सोलुखुम्बुको लुक्ला उडेको उक्त विमान मौसमको खराबीका कारण लुक्लामा अवतरण गर्न नसकी काठमाडौं फर्किदै थियो ।१९ सिटे उक्त विमानमा १४ जना थिए ।