भान्जाको हत्या

अर्घाखाँची,भाद्र ७ -
मामा दाइले आफ्नै भान्जा भाइको हत्या गरेका छन् । मामा दाइ हस्तबहादुर मुखियाले भान्जा भाइ दिपक मुखियाको हत्या गरेको प्रहरीले जनाएको छ । जिल्लाको छत्रगञ्जको दुनिचौर भन्ने ठाउँमा दिपकको शव मृत्य अवस्थामा फेला परेको छ । शनिवार विहान दुवै जना केरुगाको दाङ्गसिग खेतमा पानी लगाउन सगै गएका उनीहरु बेलुका छत्रगञ्जस्थित घर फर्कंदा बीच बाटोमा आपसमा झगडा भएपछि हानाहान गर्दा हस्तबहादुरले दिपकलाई धारिलो हसिया प्रहार गरी हत्या गरेका थिए ।
उनको शव आइतबार दिउँसो जरेखोला खेतमा गाउँलेले फेला पारेका थिए । दिनभर खेतमा काम गरेर बेलुका घर फर्कंदै गर्दा दुवै जनाले अत्यधिक मदिरा सेवन गरेकाले आपसमा झगडा भएपछि आपनो कम्मरमा भिरेको हसिया प्रहार गरी हस्तबहादुर भागेको हुन सक्ने आशका प्रहरीले गरेको छ । हसिया प्रहारबाट दिपकको खुटा चुडिनै लागेकाले अत्यधिक रगत बगेकाले उनको ज्यान गएको हो ।
घटनास्थल पुगेका प्रहरी निरीक्षक रमेशकुमार पंथीका अनुसार हत्या गरे लगत्तै हस्त बहादुर फरार रहेका छन ।